VOV4.Êđê- Tlam mmăt hruê 25/10, ti sang bruă kƀĭn ala, Khua bruă kƀĭn ala Vương Đình Huệ gĭt gai leh klei bi kƀĭn mă bruă hŏng dŭm anôk bruă djŏ tuôm kơ bruă klei bi kƀĭn tal sa, Bruă kƀĭn ala gưl 15 hlăm klei bi kƀĭn hruê kăm êgao. Blŭ hrăm hlăm mmông mă bruă, Khua bruă kƀĭn ala Vương Đình Huệ brei thâo, dŭm hrue êgao bruă kƀĭn ala bi leh hdră, dăp hdră klei bi kƀĭn djŏ guôp, kreh knhâo, ba yua jih hnơ̆ng wưng bi trông hlăm êpul leh anăn anôk bi kƀĭn, jih jang klei phung bi ala akâo dưi blŭ sơaĭ.

Khua bruă kƀĭn ala Vương Đình Huệ mñă klă, anăp anei, Bruă kƀĭn ala srăng brei klei blŭ mguôp hlăm 5 hdră bruă leh anăn 2 hdră bruă prŏng snăk, anăn jing lŏ mkra mđĭ bruă duh mkra leh anăn Hdră kčah ba yua lăn ala čar hlăm wưng 2021-2030, hnơ̆ng trah dlăng thŭn 2050 leh anăn hdră kčah ba yua lăn 5 thŭn 2021-2025, anei jing dŭm bruă hmaĭ truh kơ bruă duh ƀơ̆ng mnuih ƀuôn sang. Kyua anăn, dŭm anôk bruă klei mrâo brei hâo hưn djăp ênŭm, maoa boh phŭn, mta phŭn, dŭm anôk bruă mơ̆ng Bruă kƀĭn ala brei ksiêm hriăm, bi trông bi klă, mă klei blŭ mguôp mơ̆ng phung bi ala bruă kƀĭn ala.

Pô mblang: H’Zawut Ƀuôn Yă