VOV4.Êđê- Aguah 19/10, ti Sang bruă kƀĭn ala, Khua bruă kƀĭn ala Vương Đình Huệ gĭt gai klei bi kƀĭn tal 2 Anôk bruă gĭt gai Hdră bruă mkŏ mjing leh anăn bi leh klei bhiăn Knŭk kna yang ƀuôn ngă phŭn Việt Nam truh thŭn 2030 tă hdră truh thŭn 2045. Hlăm klei bi kƀĭn anei, Anôk bruă gĭt gai ksiêm dlăng bi mklă hră čih hưn mdah akŏ mrô 10 bi leh klei bhiăn mbha bruă, bi hgŭm leh anăn ktuê dlăng plah wah dŭm anôk bruă knŭk kna hlăm bruă hluê ngă klei dưi hdră bhiăn ti krah dŭm anôk bruă, mkŏ mjing hlăm bruă ngă hdră bhiăn ngă djŏ klei čiăng mkŏ mjing, bi leh  klei bhiăn Knŭk kna ala ƀuôn ngă phŭn Việt  Nam.

Khua bruă kƀĭn ala Vương Đình Huệ mtă, pă klei hưn mdah dưi bi trông mâo dŭm klei bhiăn mbĭt, anăn jing klei dưi knŭk kna jing ênoh yuôm mbĭt mơ̆ng anak mnuih. Gru hmô klei bhiăn knŭk kna yang ƀuôn ngă phŭn Việt Nam jing bruă kluôm mơ̆ng anak mnuih, mdê hjăn, tă hdră yang ƀuôn ngă phŭn. Anôk bruă Knŭk kna ăt mâo klei mdê hjăn kơ klei bhiăn ngă bruă êngiê kơ mnuih ƀuôn sang, klei bhiăn klei dưi knŭk kna, bi tŭ ư klei mbha bruă, bi hgŭm ktuê dlăng plah wah anôk bruă hluê ngă klei dưi. Kyua anăn, dŭm mta bruă brei ktuê dlăng, hluê ngă, rơ̆ng bi êdah dŭm mta anei.

Pô mblang: H’Zawut Ƀuôn Yă