VOV4.Êđê - Tlam mbrue (3/11), Khua bruă kƀĭn ala Vương Đình Huệ kiă kriê klei bi kƀĭn tal 3 mơ̆ng Êpul kiă kriê mơ̆ng Đảng hlăm bruă kƀĭn ala, hlue ngă 4 mta čuăn mâo jao jing “Hdră êlan mkŏ mjing, lehanăn bi kjăp lăn čar mâo klei bhiăn yang ƀuôn ngă phŭn êngiê Việt Nam truh kơ thŭn 2030, tă êlan truh kơ thŭn 2045”.

Ti anôk bi kƀĭn anei, Êpul kiă kriê bruă Đảng bruă kƀĭn ala mđing kơ dŭm hdră êlan bi leh mta čuăn mrô 12 “Bi leh hdră êlan răng mgang hdră bhiăn phŭn djŏ hŏng klei čiăng mkŏ mjing, bi kjăp lăn čar mâo klei dưi yang ƀuôn êngiê Việt Nam”. Blŭ hrăm ti anôk bi kƀĭn, Khua bruă kƀĭn ala Vương Đình Huệ bi myuôm kơ bruă mprăp bi nik lehanăn mâo djăp klei blŭ ti anôk bi kƀĭn. Čiăng bi mâo lu klei blŭ hlăm anôk bi kƀĭn, pioh čih mkra bi ênŭm lehanăn kjăp kñăm ba mdah kơ Đảng bruă kƀĭn ala./.

Y Khem pô mblang