VOV4.Êđê - Hlue si asăp mtă mơ̆ng khua bruă kƀĭn ala Ơrôp EP David Sassoli, Khua bruă kƀĭn ala Vương Đình Huệ lehanăn êpul bi ala gưl dlông bruă kƀĭn ala Việt Nam truh leh kơ tač êdeh phiơr Melssbroek, Bruksel, ala čar Bỉ nao čuă lehanăn mă bruă hŏng bruă kƀĭn ala Ơrôp EP, lehanăn Êpul hgŭm Ơrôp EU mơ̆ng hrue 8-9/9. Hlăm klei nao čhưn kơ ala čar Bỉ tal anei, Khua bruă kƀĭn ala Vương Đình Huệ mâo leh klei bi blŭ hrăm mâo leh klei bi blŭ hrăm hŏng Khua Êpul gơ̆ng Ơrôp, bi trông hŏng Khua bruă kƀĭn ala Ơrôp, pô bi ala mơ̆ng phung khua prŏng Ơrôp mơ̆ng dŭm anôk bruă yuôm bhăn hlăm bruă kƀĭn ala Ơrôp, msĕ si Anôk bruă mnia mblei hŏng tač êngao, anei jing anôk bruă knơ̆ng, mtrŭt kơ bruă hlue ngă klei leh kuôl kă, lehanăn bi tuôm hŏng phung khua bruă kƀĭn ala hgŭm hŏng ASEAN hlăm anăn mâo Việt Nam. Boh nik, Bruă kƀĭn ala Việt Nam srăng hrăm mbĭt hŏng Anôk bruă mnia mblei hŏng tač êngao mơ̆ng bruă kƀĭn ala Ơrôp trông čhai kñăm mkŏ mjing sa klei bhiăn hgŭm anăp truh kơ bruă hlue ngă klei leh kuôl kă.

Êlâo anăn, hlăm bruă nao ti anôk bi kƀĭn phung khua kiă kriê Bruă kƀĭn ala tar rŏng lăn mkŏ mjing leh ti Vienna, ala čar Austria, Khua bruă kƀĭn ala Vương Đình Huệ mâo leh 3 klei blŭ yuôm bhăn ti anôk bi kƀĭn, lehanăn bi tuôm dua nah hŏng 13 čô phung khua kiă kriê gưl dlông mơ̆ng bruă kƀĭn ala dŭm ala čar... Boh nik mâo tŭ mă leh dŭm ênoh vaccine, kdrăp mdrao mgŭn hlăm bruă mdrơ̆ng hŏng klei ruă tưp, mơ̆ng phung duh mkra, jih jang yang ƀuôn lehanăn grăp čô mnuih ti Austria./.

Y Khem pô mblang