VOV4.Êđê- Ƀri bi hdơr 100 thŭn hrue kkiêng kơ Lê Quang Đạo, Khua bruă kƀĭn ala êlâo dih, tlam hrue mbrue (31/10) Khua bruă kƀĭn ala Vương Đình Huệ nao čuh leh brui mngưi, mđup mnga ti alŭ wăl bi hdơr kơ Lê Quang Đạo ti wăl krah Từ Sơn, čar Bắc Ninh.

Ti anăp mnguh mngăt Lê Quang Đạo, Khua bruă kƀĭn ala Vương Đình Huệ lehanăn phung khua kiă kriê Đảng, lăn čar, bruă kƀĭn ala ƀuăn srăng lŏ dơ̆ng mđĭ hĭn knhuah gru klei bi mguôp sa ai, mghaih msir klei dleh dlan, pai mă klei găl, dưn yua jih klei myun čiăng bi ktưn khăp kơ lăn čar bi leh mta kñăm, bruă čuăn tui si klei bi kƀĭn prŏng Đảng kluôm ala tal 13, lehanăn klei bi kƀĭn prŏng Đảng dŭm gưl mtrŭn leh, rŭ mdơ̆ng lăn čar knư̆ hrue knư̆ mdrŏng sah, kreh dhar./.

Pô mblang: Y-Khem Niê