VOV4.Êđê- Tlam mmăt mbrue (1/10), ti Sang Bruă kƀĭn ala, Khua bruă kƀĭn ala Vương Đình Huệ nao hlăm knăm bi êdah hdră mtrŭn kơ bruă klam, klei dưi lehanăn hdră mkŏ mjing mơ̆ng anôk bruă ksiêm duah kơ klei mkŏ mjing hdră bhiăn lehanăn klei bi kƀĭn tal sa mơ̆ng Êpul Gơ̆ng bruă kreh knhâo hălm Anôk bruă kiă kriê Bruă kƀĭn ala. Khua Bruă kƀĭn ala Vương Đình Huệ hơêč hmưi kơ Anôk bruă ksiêm duah anei mâo jar mă bruă mrâo lŏ dơ̆ng mđĭ hĭng klei tŭ dưn bruă mkŏ mjing hdră bhiăn bi năng hŏng klei jing kơ lăn čar; hơêč hmưi kơ Dhar bruă gĭt gai Bruă kƀĭn ala mâo Êpul gơ̆ng bruă kreh knhâo wưng thŭn 2021 – 2026.

Kơ bruă čuăn klei ksiêm duah bruă mkŏ mjing hdră bhiăn hlăm wưng giăm anei. Khua bruă kƀĭn ala mtă, kơ anôk bruă anei pral mâo dŭm hdră êlan mă bruă tui si hdră mtrŭn leh jao, lehanăn mâo klei bi kjăp ljih êpul bruă. Boh nik ruah mnuih knhăk mâo klei thâo hlăm êpul ksiêm duah, bi klin mnuih kreh knhâo, phung ksiêm lu, dŭm sang hră ksiêm hriăm mđrăm mbĭt bi mguôp hlăm klei ksiêm duah./.

Pô mblang: Y-Khem Niê