VOV4.Êđê - Hlăm klei nao čhưn kơ ala čar Phần Lan, Khua bruă kƀĭn ala Vương Đình Huệ mâo bi tuôm leh hŏng khua knŭk kna Phần Lan aduôn Sanna Marin. Khua knŭk kna Sanna Marin lač, Việt Nam jing sa hlam dŭm ala čar hgŭm yuôm bhăn hŏng Phần Lan hlăm ASEAN lehanăn ti Asi – Pacific, dua ala čar hgŭm leh tŭ jing kơ klei duh mkra, bruă mjuăt bi hriăm, klei hgŭm mđĭ kyar, lehanăn bruă răng mgang wăl hdĭp mda.  Dua nah ăt bi trông kơ klei hgŭm kơ hdra êlan lu tĭng, bi klă dua ala čar bi mguôp jăk sơăi hŏng EU lehanăn ASEAN, năng djă pioh nanao klei bi mguôp lehanăn klei thâo bi đru hdơ̆ng găp, jih ai tiê bi mguôp ASEAN – EU, đru bi kjăp ƀĭng hgŭm kluôm ASEAN – EU mrâo mkŏ mjing./.

Y Khem pô mblang