VOV4.Êđê- Yang hruê dơ̆ng hruê mbruê, khua bruă kƀĭn ala Vương Đình Huệ lehanăn êpul bi ala bruă kƀĭn ala gưl dlông wĭt truh leh tač êdeh phiơr Nội Bài, ƀuôn prŏng Hà Nội, bi ruê̆ jăk siam bruă nao hgŭm ti anôk bi kƀĭn phung khua bruă kƀĭn ala tar rŏng lăn tal 5 ti ala čar Austria, nao čuă lehanăn mă bruă hŏng Nghị Viện Ơrôp, ala čar Bỉ lehanăn nao čuă klă klơ̆ng ala čar Phần Lan mơ̆ng hruê 5-11/9. Klei nao čuă mă bruă hŏng 3 ala čar Ơrôp, ƀiădah khua bruă kƀĭn ala Vương Đình Huệ lehanăn êpul bi ala mă leh bruă hŏng 5 ƀĭng hgŭm lehanăn nao hgŭm êbeh 70 klei kƀĭn lu tĭng, 2 tĭng.

Boh nik hlăm klei nao čuă anei, knŭk kna Bỉ mđup brei leh kơ êpul bi ala 100.000 hnơ̆ng vaccine. Knŭk kna Slovakia mđup brei 100.000 hnơ̆ng vaccine, mâo đa đa ala čar mkăn ăt dôk ksiêm dlăng kơ bruă mkăp brei vaccine lehanăn kdrăp yua bruă gang mkhư̆ klei ruă tưp kơ ala čar Việt Nam. Mâo đa đa êpul êya, anôk bruă mơ̆ng ala čar tuê, dŭm knơ̆ng bruă prŏng mơ̆ng Việt Nam ti ala tač êngao blei lehanăn mđup brei krăp yua bruă gang mkhư̆ klei ruă tưp Covid-19 kơ ala čar Việt Nam hŏng ênoh êbeh 1.028 êklai prăk.

Pô mblang: Y-Khem Niê