VOV4.Êđê- Tlam mmăt mbruê, ti sang bruă kƀĭn ala, ƀri wưng hruê klei bhiăn ala čar Việt Nam (09/11/2021), Khua bruă kƀĭn ala Vương Đình Huệ bi tuôm leh hŏng pô bi ala bruă kƀĭn ala klam bruă, knuă druh dŭm anôk bruă klei bhiăn ala čar, čih mkra klei bhiăn, ksiêm duah klei bhiăn hlăm bruă kƀĭn ala. Khua bruă kƀĭn ala hmăng hmưi, phung mă bruă hlăm bruă čih mkra klei bhiăn srăng mâo klei mđing hmư̆ dŭm anôk bruă hưn mdah bruă čih mkăp klei bhiăn, mđing hmư̆ phung thơ̆ng kơ bruă, mđing hmư̆ hdơ̆ng pô čiăng kơ bruă mkŏ mjing klei bhiăn ala čar mâo klei klă mngač, hrăm mbĭt, mâo klei hơĭt leh anăn kjăp. Boh nik amâo brei dŭm hlăm anăn knŏng klei jăk kơ êpul, klei jăk kơ pô hlăm bruă mkŏ mjing klei bhiăn, mâo ênŭm hnơ̆ng čuăn mkŏ mkra, đĭ kyar ala čar kjăp leh anăn ñŭ kma hŏng tar rŏng lăn. Anei jing hnơ̆ng čuăn kdlưn hĭn mơ̆ng mnuih ƀuôn sang leh anăn phung bi ala mdưm hŏng phung čih mkra klei bhiăn ala čar.

Pô mblang: Y-Ƀel Êban