VOV4.Êđê - Ƀri nao ti anôk bi kƀĭn Phung khua bruă kƀĭn ala tar rŏng lăn tal 5, Khua bruă kƀĭn ala Vương Đình Huệ drông čhưn leh hŏng k’iăng khua bruă kƀĭn ala mơ̆ng ala mtao Angle aduôn Eleanor Laing. Khua bruă kƀĭn ala Vương Đình Huệ mñă, Angle jing ala čar hgŭm bruă mnia mblei prŏng tal 3 mơ̆ng Việt Nam ti EU Klei kuôl kă mnia mblei êngiê mâo bi klă leh mơ̆ng hrue 1/5/2021, mjing djăp kle igăl mtrŭt mđĭ klei bi mnia mblei dua ala čar.

Truh kơ ară anei Angle mâo 421 hdră duh bi liê kơ Việt Nam, hŏng ênoh jih jang truh 3 êklai 920 êklăk dolar. Khua bruă kƀĭn ala Vương Đình huệ lač, Việt Nam sa ai kơ Angle đru kyua kjăp hĭng bruă duh mkra mnia mblei hlăm alŭ wăl, lehanăn kăp đru hŏng Angle hlăm klei bi trông kơ bruă hgm kluôm dhuôm, lehanăn anăp truh kơ kluôm pacific. Khua bruă kƀĭn ala Vương Đình Huệ lač, dua ala čar bi mđing hĭn mâo klei hgŭm tŭ dưn, bi năng hŏng klei găl mâo leh klei bi mguôp dua ala čar./.

Y Khem pô mblang