VOV4.Êđê- Tlam 5/11, Khua Dhar bruă gưl dlông Pham Đình Trạc mbĭt hŏng êpul mă bruă mơ̆ng Phŭn bruă kđi čar mă bruă hŏng Anôk dlăng bruă Đảng ƀuôn prŏng Đà Nẵng ksiêm dlăng bruă hâo hưn mtô mblang, hluê ngă leh anăn pŏk ngă Hdră mtrŭn klei bi kƀĭn Đảng kluôm ala tal XIII.

Hluê si hdră phŭn leh anăn hdră kčah ksiêm dlăng, Êpul ksiêm dlăng ktuê dlăng hdră kčah mơ̆ng Phŭn bruă kđi čar mtrŭn leh, mphŭn mơ̆ng knăm sa hruê kăm êdei, Êpul srăng ma wbruă hŏng dŭm gưl bruă Đảng hlăm ƀuôn prŏng Đà Nẵng msĕ si Knơ̆ng bruă hdră kčah leh anăn duh bi liê, Knơ̆ng bruă kriê dlăng bruă knuă, Knơ̆ng bruă ngăn dŏ wăl hdĭp mda, Bruă Đảng Knơ̆ng bruă Pui kmlă kwar krah, Bruă Đảng Anôk kriê dlăng wăl tuh tia mkra mjing hluê hdră mrâo mrang - Dŭm wăl tuh tia mkra mjing Đà Nẵng leh anăn Anôk dlăng bruă Đảng kdriêk čar Ngũ Hành Sơn. Hlăm thŭn anei, Đà Nẵng jing 1 hlăm 10 anôk bruă hlăm kluôm ala mâo Phŭn bruă kđi čar ruah mkŏ mjing ksiêm dlăng bruă gĭt gai ksiêm hriăm, tui hriăm, hâo hưn leh anăn hluê ngă Hdră mtrŭn Klei bi kƀĭn Đảng tal XIII.

Pô mblang: H’Zawut Ƀuôn Yă