VOV4.Êđê- Ƀri gưl bi hdơr 40 thŭn Hruê mkŏ mjing Êpul hgŭm phung đaŏ yơng Việt Nam 7/11, aguah 5/11, ti Hà Nội, bi ala kơ khua gĭt gai Đảng, Knŭk kna, mặt trân čar kwar Việt Nam, Đỗ Văn Chiến, Khua hlăm bruă Đảng gưl dlông, Khua Dhar bruă mặt trận čar kwar Việt Nam mbĭt hŏng êpul mă bruă nao čhưn leh anăn hơêč hmưi kơ Êpul hgŭm phung đaŏ yơng Việt Nam. Đỗ Văn Chiến bi mklă, êbeh 40 thŭn êgao Êpul hgŭm phung đaŏ yơng Việt Nam iêô jak phung Tăng, Ni, phung đaŏ Yơng kluôm ala mđĭ kyar bruă duh mkra- ala ƀuôn, kriê dlăng klei hdĭp kơ phung mâo dleh dlan, êdu awăt, tuôm hŏng yan adiê ngă, klei ruă tưp hlăm kluôm ala.

 Hòa thượng Thích Thanh Nhiễu- K’iăng khua Êpul hgŭm gưl dlông phung đaŏ Yơng Việt Nam bi mklă hlăm wưng kơ anăp, Êpul hgŭm phung đaŏ yơng Việt Nam lŏ dơ̆ng hâo hưn, mđĭ ai phung tăng ni, phung đaŏ yơng hdĭp jăk đaŏ djŏ, hluê ngă hdră mtrŭn mơ̆ng Đảng,hdră bhiăn mơ̆ng Knŭk kna, gĭr ngă bruă jăk kơ ala ƀuôn kñăm đru kơ phung ƀun, mnuih ƀuôn sang ti alŭ wăl hmaĭ kyua klei ruă Covid-19.

Pô mblang: H’Zawut Ƀuôn Yă