VOV4.Êđê - Ti sang bruă kƀĭn ala, êpul mrô 1, êpul gĭt gai dŭm hdră mkăp hlăm “Hdră êlan mkŏ mjing leh anăn bi kluôm ênŭm ala čar yang ƀuôn ngă phŭn êngiê Việt Nam truh thŭn 2030, tă hdră truh thŭn 2045” mkŏ mjing leh klei kƀĭn phung thơ̆ng kơ bruă kơ dŭm mta phŭn djŏ tuôm hlăm bruă mkŏ mjing klei bhiăn ala čar leh anăn bruă tui ngă klei bhiăn ala čar truh kơ thŭn 2030, tă hdră truh thŭn 2045. Khua bruă kƀĭn ala Vương Đình Huệ gĭt gai klei kƀĭn anăn. Blŭ hlăm klei kƀĭn anăn, Khua bruă kƀĭn ala Vương Đình Huệ lač, anei jing mta phŭn dleh êdi, mâo knhuah klei blŭ trông, ksiêm duah lu, kyuanăn bruă ksiêm êmuh phung thơ̆ng kơ bruă jing yuôm bhăn êdi. Khua bruă kƀĭn ala Vương Đình Huệ hmăng hmưi phung thơ̆ng kơ bruă bruă boh blŭ kơ 3 mta phŭn msĕ si: Hdră tă bi mguôp dŭm klei čih hưn, klei bhiăn hŏng bruă mkŏ mjing, bi kluôm ênŭm klei bhiăn ala čar leh anăn tui ngă klei bhiăn ala čar. Bruă kñăm, hdră tă, hdră êlan mkŏ mjing, bi kluôm ênŭm klei bhiăn ala čar truh thŭn 2030, hdră tă truh thŭn 2045 kñăm djăp hnơ̆ng čuăn mkŏ mjing, kluôm ênŭm ala čar yang ƀuôn ngă phŭn Việt Nam.

Y Ƀel pô mblang