VOV4.Êđê- Aguah mbruê, ti anôk bruă Đảng gưl dlông, Khua gĭt gai Đảng Nguyễn Phú Trọng blŭ hrăm êlan đĭng blŭ khua gĭt gai Đảng, khua lăn čar Trung Quốc Tập Cận Bình. Khua gĭt gai Đảng Nguyễn Phú Trọng hơêč hmưi kơ 72 thŭn hruê mkŏ mjing ala čar Trung Quốc, mñă klă, khă klei ruă tưp Covid-19 hmăi kjham kơ djăp mta bruă hlăm klei hdĭp, klei êrô êbat, mjĕ giăm plah wah 2 Đảng, ƀiădah 2 ala čar Việt Nam - Trung Quốc rơ̆ng klei đĭ kyar, mâo klei lač jăk kơ Trung Quốc kah mbha leh klei thâo, đru mkăp brei vaccine kơ Việt Nam hlăm bruă gang mkhư̆ klei ruă tưp Covid-19 leh anăn hmăng hmưi 2 ala čar lŏ mđing êlâo hĭn kơ bruă bi mguôp gang mkhư̆ klei ruă tưp leh anăn bruă mgaih msir, kơrŭ wĭt leh dưi găn klei ruă tưp. Khua gĭt gai Đảng Nguyễn Phú Trọng bi êdah, 2 tĭng lŏ bi mguôp kjăp kơ bruă ksiêm dlăng, răng mgang knông lăn, rŭ mdơ̆ng êlan knông lăn êđăp ênang, bi mguôp leh anăn đĭ kyar.

Pô mblang: Y-Ƀel Êban