VOV4.Êđê- Tlam mbruê, ti anôk bruă Đảng gưl dlông, khua gĭt gai Đảng Nguyễn Phú Trọng tŭ drông leh pô bi ala kơ Cuba ƀri wưng bi hdơr 55 thŭn hƀuê ênŭk klei bi tuôm mơ̆ng khua gĭt gai Hồ Chí Minh hŏng khua gĭt gai krŭ kdơ̆ng Cuba Raul Castro (29/10/1966-29/10/2021) leh anăn pô bi ala kčưm ngă bruă ti Việt Nam. Ƀri wưng anei, Khua gĭt gai Đảng Nguyễn Phú Trọng mñă klă klei bi mguôp msĕ ayŏng adei, klei sa ai mơ̆ng Đảng, knŭk kna leh anăn mnuih ƀuôn sang Việt Nam hŏng Đảng, knŭk kna leh anăn mnuih ƀuôn sang Cuba. Việt Nam srăng lŏ hrăm mbĭt hŏng Cuba bi klă klei bi hmô bruă duh mkra ala ƀuôn ala čar yang ƀuôn ngă phŭn. Khua gĭt gai Đảng Nguyễn Phú Trọng mâo klei lač jăk Đảng, knŭk kna leh anăn mnuih ƀuôn sang Cuba, klei khăp mơ̆ng khua gĭt gai Raul Castro leh anăn khua gĭt gai ala čar Cuba, khă dôk mâo lu klei dleh dlan ƀiădah ăt đru kơ Việt Nam, boh nik  bi mguôp vaccine gang mkhư̆ klei ruă tưp Covid-19.

Pô mblang: Y-Ƀel Êban