VOV4.Êđê - Aguah mbrue (15/9), ti Hà Nội, Dhar bruă kiă kriê bruă knuă gưl dlông mkŏ mjing leh klei bi kƀĭn kluôm ala hŏng dŭm anôk bruă kiă kriê bruă knuă hlue ngă hdră mtrŭn klei bi kƀĭn prŏng Đảng gưl 13. Khua gĭt gai Đảng Nguyễn Phú Trọng nao lehanăn blŭ gĭt gai klei bi kƀĭn.

Ñu lač klă, sa lăn čar, sa yang ƀuôn čiăng mâo klei jăk siam snăn mbĭt hŏng klei mjuăt bi hriăm, klei mtă mtăn, bi lŏ mâo klei bhiăn kjăp, hdră bhiăn knŭk kna bi ktang čiăng dưi răng kriê klei siam, klei djŏ, mâo klei bi huĭ, bi kmhal tui si klei bhiăn ya mta klei soh, klei jhat kơ phung ƀuôn sang, sitôhmô bi kiă kriê hŏng klei bhiăn, hdră bhiăn knŭk kna bi kjăp, čiăng dưi mâo klei msĕ snăn, bi mâo yơh êpul kiă kriê bruă knuă. Hŏng klei anăn, Khua gĭt gai Đảng mtă, dŭm dhar bruă kiă kriê bruă knuă bi mâo klei gĭt gai, kiă kriê kjăp mơ̆ng Đảng kơ jih jang bruă, păn kjăp klei bhiăn hlăm djăp mta boh nik hŏng êpul lĭng kahan. Anei yơh klei klei bi klă rơ̆ng čiăng dưi mâo klei dưi sĭt hlăm djăp bruă kčah jao./.

Y Khem pô mblang