VOV4.Êđê -  Tlam mbruê, ti anôk bruă mđung asăp blŭ ala čar 58 Quán sứ, Hà Nội, khua bruă Đảng gưl dlông, knơ̆ng khua kriă kriê sang mđung asăp blŭ Việt Nam Đỗ Tiến Sỹ, tŭ drông leh êpul bi ala anôk bruă Việt Nam ti ala čar tač êngao mơ̆ng k’iăng khua phŭn bruă hŏng tač êngao Vũ Quang Minh ba anăp, hriê čuă leh anăn mă bruă. hlăm klei mă bruă anăn, khua kriă kriê sang mđung asăp blŭ Việt Nam Đỗ Tiến Sỹ, hơêč hmưi kơ khua kiă kriê dŭm anôk bruă Việt Nam ti ala čar tač êngao dưi tiŏ nao ngă dŭm bruă yuôm bhăn. Đỗ Tiến Sỹ ăt mâo klei hưn mdah sang mđung asăp blŭ Việt Nam kơ klei bi mguôp hŏng phŭn bruă hŏng tač êngao, phung bi ala ti ala tač êngao, phung bi ala mơ̆ng ala tač êngao ti Việt Nam hlăm bruă hâo hưn. Hruê mmông kơ anăp, sang mđungb asăp blŭ Việt Nam mâo klei hmăng hmưi bi mguôp hĭng hŏng dŭm anôk bruă bi ala bi ala Việt Nam ti ala čar tač êngao hlăm bruă ngă dŭm hdră klei mrâo kñăm hưn mdah ala čar, anak mnuih Việt Nam truh kơ tar rŏng lăn, ăt msĕ hŏng pŏk phai klei bi mguôp hŏng ƀĭng hgŭm ala tač êngao hlăm bruă mđung asăp blŭ, mđung rup.

Y Ƀel pô mblang