VOV4.Êđê - Tlam mbruê, khua hlăm êpul bruă Đảng Võ Văn Thưởng mâo leh klei blŭ hrăm hŏng khua hlăm êpul bruă Đảng Lào - K’iăng khua lăn čar Lào. 2 tĭng hâo hưn leh kơ hdơ̆ng pô kơ boh klei hlăm grăp Đảng, grăp ala čar, kah mbha klei thâo hlăm bruă mkŏ mjing Đảng, mkŏ mjing bruă kđi čar, gang mkhư̆ klei ƀơ̆ng ngăn, bruă ksiêm dlăng, ktuê dlăng, ƀuah mkra bruă Đảng leh anăn dŭm hdră êlan tui ngă hră mtrŭn mơ̆ng grăp Đảng. 2 čô khua gĭt gai ăt hâo hưn kơ klei thâo hlăm bruă gang mkhư̆ klei ruă tưp Covid-19 leh anăn mđĭ kyar bruă duh mkra ala ƀuôn grăp ala čar hlăm hruê mmông êgao, mnă klă, khădah dôk mâo lu klei dleh dlan ƀiădah 2 tĭng mâo na nao klei sa ai, bi đru hdơ̆ng pô mâo boh tŭ dưn, bi êdah klei jing mah jiăng, mâo klei bi mguôp knhuah gru, mâo klei thâo khăp, thâo pap plah wah 2 djuê ana Việt Nam - Lào.

Y Ƀel pô mblang