VOV4.Êđê - Đỗ Văn Chiến, khua bruă Đảng gưl dlông, Khua kiă kriê dhar bruă gưl dlông mặt trận čar kwar Việt Nam mrâo mâo leh klei blŭ hrăm êlan đĭng blŭ hŏng Uông Dương, khua hlăm phŭn bruă kđĭ čar, khua kiă kriê êpul khua kčĕ bruă knŭk kna Trung Quốc. Yap yuôm bhăn klei bi mguôp jăk siam mơ̆ng Trung Quốc hŏng Việt Nam hlăm dŭm hruê mmông leh êgao, Khua kiă kriê dhar bruă gưl dlông mặt trận čar kwar Việt Nam Đỗ Văn Chiến lač, hŏng klei gĭr mơ̆ng jih dua tĭng, klei mjĕ giăm Việt Nam - Trung Quốc dôk hriê kơ klei jăk siam, hmăng hmưi 2 tĭng lŏ mtrŭt mđĭ klei bi mguôp plah wah mặt trận čar kwar Việt Nam hŏng êpul khua đrŭ kčĕ bruă knŭk kna Trung Quốc. Bi kơ pô, khua kiă kriê êpul khua kčĕ bruă knŭk kna Trung Quốc Uông Dương mâo klei juh dŭm klei dleh dlan mơ̆ng Việt Nam êjai dôk tuôm hŏng gưl bluh đĭ mơ̆ng klei ruă tưp Covid-19 lehanăn mñă klă, Trung Quốc srăng mprăp kah mbha klei thâo hlăm bruă gang mkhư̆ klei ruă tưp lehanăn đru kơ Việt Nam hlăm bruă mkăp brei, đru blei vaccine gang mkhư̆ klei ruă tưp Covid-19 hlăm klei dưi pô.

Y Bel pô mblang