VOV4.Êđê- Bi ala kơ khua knŭk kna, K’iăng khua knŭk kna Lê Minh Khái mrâo bi klă ênoh prăk lŏ blei thiăm 19.998.810 hnơ̆ng vaccine COVID-19 BNT162 mơ̆ng Pfizer. Hlăm klei bi klă anăn lač klă, srăng yua 2 êbâo 652 êklai 537 êklăk prăk mơ̆ng keh prăk vaccine gang mkhư̆ klei ruă tưp Covid-19 čiăng blei mbŏ 19.998.810 hnơ̆ng vaccine gang mkhư̆ klei ruă tưp Covid-19 COVID-19 BNT162 mơ̆ng Pfizer leh anăn yua kơ bruă tlŏ mgang tui si klei mtă mơ̆ng phŭn bruă mdrao mgŭn. Khua knŭk kna jao kơ phŭn bruă ngăn prăk mkăp brei ênoh prăk anei djŏ hŏng klei bhiăn. Phŭn bruă mdrao mgŭn, phŭn bruă ngă prăk mâo bruă klam kơ mta phŭn lehanăn klei hưn mdah. Bruă ksiêm dlăng, yua ênoh prăk anăn srăng ngă djŏ hŏng klei bhiăn, djŏ bruă kñăm mkiêt mkriêm, mâo boh tŭ dưn, klă mngač. Phŭn bruă mdrao mgŭn hưn mdah hŏng khua knŭk kna bruă yua ênoh prăk anăn.

Pô mblang: Y-Ƀel Êban