VOV4.Êđê - Tlam hruê 15-9, Khua knŭk kna Phạm Minh Chính gĭt gai Klei bi kƀĭn kluôm ala “Êpul knuă druh ksiêm hriăm klei kreh knhâo leh anăn kdrăp mrâo Việt nam pŏk ngă Hdră mtrŭn Klei bi kƀĭn tal XIII mơ̆ng Đảng”.

Blŭ hrăm hlăm klei bi kƀĭn, Khua knŭk kna Phạm Minh Chính hrô kơ Khua gĭt gai Đảng, Knŭk kna, bi mni leh anăn kơ klei đru klei đru mguôp, klei myơr prŏng prĭn mơ̆ng êpul kreh knhâo kdrăp mrâo, mơ̆ng lu gưl ênuk phung kreh knhâo, myơr prŏng prĭn mơ̆ng êpul kreh knhâo kdrăp mrâo, mơ̆ng lu gưl ênuk phung kreh lnhâo ala čar, mơ̆ng Êpul hgŭm kreh knhâo leh anăn hdră mnêč Việt Nam. Anăp truh, boh klei dlông rŏng lăn lŏ dơ̆ng dleh ktuê dlăng, klei ruă tưp Covid-19 năng ai lŏ dơ̆ng hmaĭ amâo jăk kơ bruă duh mkra duh mkra dlông rŏng lăn, krĭng wăl, hlăm anăn mâo ala čar drei. Khua knŭk kna mtă “Brei drei mâo klei gĭr jăk hĭn, gĭr ktưn hĭn, bi hgŭm ktang hĭn čiăng gĭr mâo klei tŭ dưn Hdră mtrŭn Klei bi kƀĭn XIII mơ̆ng Đảng. Hŏng bruă klam jing êpul bi ala kơ klei kreh knhâo leh anăn kdrăp mrâo, Êpul hgŭm leh anăn dŭm êpul hgŭm ngă jăk hĭn bruă klam jing kmeh gơ̆ng kđi čar, mkŏ mjing êpul bi hgŭm čiăng đru hluê ngă tŭ dưn dŭm hdră kñăm kđi čar mơ̆ng lăn čar hlăm wưng mrâo.”

H Zawut pô mblang