VOV4.Êđê- Ƀri gưl nao čhưn kơ ala čar Prăng, Khua knŭk kna Phạm Minh Chínhmâo leh mmông bi tuôm hŏng phung bi ala kơ mnuih Việt Nam hdĭp ti Ơrôp, mơ̆ng anôk bruă bi ala knŭk kna Việt Nam ti Prăng mkŏ mjing. Blŭ hrăm ti anôk bi tuôm anăn, khua knŭk kna lač, ñu mâo klei mơak leh ƀuh phung ƀuôn sang nao ti anôk bi tuôm hriê mơ̆ng dŭm krĭng mdê mdê êjai dôk găn klei ruă tưp, lehanăn mâo dŭm klei blŭ jih ai tiê kơ lăn čar, ƀuôn sang pô. Khua knŭk kna čang hmăng kơ mnuih Việt Nam mâo ai ktang hŏng ênoh 5 êklăk čô mnuih, mâo klei bi mguôp kjăp hŏng lăn čar. Khua knŭk kna čang hmăng hlăm wưng kơ anăp klei mâo Đảng, knŭk kna čang hmăng hĭn jing mnuih ƀuôn sang pô hdĭp kơ ala tač êngao lŏ dơ̆ng mâo klei bi mguôp hŏng ala čar pô hdĭp, đru hlăm bruă ala čar pô ñŭ kma hŏng tač êngao, jing mah jiăng jăk mâo bruă klam hŏng tar rŏng lăn./.

Pô mblang: Y-Khem Niê