VOV4.Êđê- Tlam mbrue (31/10), ti ala čar Angle, khua knŭk kna Phạm Minh Chính nao lehanăn dlăng klei kuôl kă, jao truh 26 mta bruă bi hgŭm plah wah Việt Nam hŏng êpul hgŭm jing Angle. Hlăm dŭm eneoh bruă maoa kuôl kă anăn, mâo leh lu klei bi tŭ ư hgŭm mbĭt dưi mâo leh dŭm phŭn dhar bruă bi klă, tŭ mă msĕ si: Hgŭm bruyă bi hrŏ klei amâo mâo jăk kơ wăl hdĭp mda hŏng hdră mđĭ kyar bruă ngăn prăk dliê kyâo; bi tŭ ư hgŭm mkŏ mjing hdră mă bruă čiăng hyua kjăp klei bi mguôp bruă sang hră gưl prŏng plah wah dua ala čar, mâo hră čih pioh kơ klei hgŭm hlăm bruă mjuăt bi hriăm mnuih ngă bruă kơ phŭn bruă čuăl mkă duh bi liê lehanăn đru phung duh mkra rŭ mjing bruă knuă ti Việt Nam; klei bi tŭ ư hgŭm nga kdrăp mă bruă, klei kiă kriê lăn ala, lehanăn mjuăt bi hriăm mnuih ngă bruă djŏ tuôm.

Ƀri wưng anei, knơ̆ng bruă êdeh phiơr Vietjet Việt Nam lehanăn Êpul grŭp Roll-Royce ala čar Angle mâo leh klei kuôl kă mkăp kdrăp môtơr kơ êdeh phiơr prŏng hŏng ênoh jih jang truh 400 êklăk dolar./.

Pô mblang: Y-Khem Niê