VOV4.Êđê- Blŭ hrăm hlăm klei bi kƀĭn online kluôm ala Anôk briă gĭt gai ala čar hŏng Anôk bruă gĭt gai 63 čar, ƀuôn prŏng čiăng lač kơ klei tŭ tal êlâo bruă gang mkhư̆ klei ruă Covid-19 hlăm gưl tal 4 leh anăn bi trông dŭm hdră msir gang mkhư̆ klei ruă tưp, krŭ wĭt bruă duh mkra ala ƀuôn hlăm wưng kơ anăp mkŏ mjing hlăm aguah hruê 17-10, Khua knŭk kna Phạm Minh Chính, Khua Anôk bruă gĭt gai ala čar gang mkhư̆ Covid-19 mñă klă, brei mjing klei sa anăn hlăm klei gĭt gai, mkŏ mjing dŭm hdră êlan, hdră kčah hlăm bruă gang mkhư̆ klei ruă tưp čiăng bi sa anăn hlăm kluôm ala, gưl nah gŭ brei hluê gưt gưl dlông, gưl nah gŭ amâo dưi kčah mtrŭn soh hŏng klei gưl dlông mtrŭn. Hruê 11/10, ktuê dlăng tŭ dưn klei ruă Covid-19. Ară anei, lu čar, ƀuôn prŏng bi êdu klei bi ktlah ala ƀuôn, bi mlih grăp knhuang jing mdrơ̆ng êđăp ênang, mbruă, ktuê dlăng tŭ dưn klei ruă Covid-19. Hlăm klei bi kƀĭn anei, Anôk bruă gĭt gai ala čar leh anăn Anôk bruă gĭt gai dŭm alŭ wăl srăng ktuê dlăng leh sa hruê kăm hluê ngă Hdră mtrŭn mrô 128 mơ̆ng Knŭk kna. Boh nik, ksiêm dlăng kơ dŭm bruă dôk gun kpăk hlăm klei kčah mtrŭn, ya klei gun kpăk hlăm bruă hluê ngă čiăng hmao msir mgaih, mjing klei bi tŭ ư mơ̆ng gưl dlông truh alŭ wăl.

Pô mblang: H’Zawut Ƀuôn Yă