VOV4.Êđê - Hruê mbruê, blŭ hlăm klei kƀĭn online ala čar kơ klei duh bi liê bruă kluôm, khua knŭk kna Phạm Minh Chính mñă klă, knŭk kna, khua knŭk kna mâo leh lu klei mlih mrâo, ktang phĭt gĭt gai bruă duh bi liê bruă lăn čar thŭn 2021. Leh anăn mâo klei bi klă hdră tă, bruă kñăm hlăm klei gĭt gai, ktrâo atăt jing “gĭr mđĭ hnơ̆ng prăk brei čan thŭn 2021 mâo êbeh 95% hdră kčah mtrŭn, đru sa kdrêč yuôm bhăn hlăm bruă krŭ wĭt leh anăn mđĭ kyar bruă duh mkra hlăm wưng klei ruă tưp Covid-19.”

Hlăm bruă brei čan duh bi liê bruă kluôm dưi ngă leh hrăm mbĭt leh anăn mâo dŭm boh tŭ dưn. Khua knŭk kna lač klă, duh bi liê bruă anei jing sa mta phŭn yuôm bhăn čiăng dưi bi leh bruă kñăm mđĭ kyar bruă duh mkra ala ƀuôn thŭn 2021, dŭm mlan adôk hlăm thŭn anei, khua knŭk kna mtă kơ dŭm phŭn, dhar bruă, alŭ wăl ngă ktang phĭt, hlăm dŭm hdră mnêč, ruh mgaih dŭm klei kpăk êgun, ruh mtlaih anôk gun kpăk čiăng bi hmar bruă brei čan duh bi liê kơ bruă kluôm.

Y Ƀel pô mblang