VOV4.Êđê - Tlam hruê 14/9, ti Anôk bruă knŭk kna, Khua knŭk kna Phạm Minh Chính mâo leh mmông mă bruă hŏng Anôk bruă bi ala Hàn Quốc lehanăn dŭm êpul hgŭm bruă duh mkra Hàn Quốc dôk mă bruă ti Việt Nam. Khua knŭk kna mñă klă, klei ruă tưp jing bruă mjêč hlăm tar rŏng lăn ară anei kyua anăn brei dŭm ala čar hlăm tar rŏng lăn mâo klei bi mguôp kñăm mdrơ̆ng hŏng klei ruă tưp anei. Khua knŭk kna akâo kơ Hàn Quốc lŏ dơ̆ng đru kơ Việt Nam dưi mâo vaccine lu hĭn, pral hĭn hŏng hdră mdê mdê, boh nik hlăm mlan 9, mlan 10 anei lehanăn đru ba jao hdră mkra mjing vaccine, êa drao dŏng mdrao, kdrăp mnơ̆ng mdrao mgŭn; dŭm anôk bruă duh mkra Hàn Quốc lŏ dơ̆ng hgŭm kngan, hgŭm ai hŏng Việt Nam hluê ngă kjăp hdră gang mkhư̆ klei ruă mbĭt anăn ba mdah klei mĭn ngă bruă mrâo kñăm msir mghaih klei hmăi amâo jăk truh kơ hdră duh mkra, mnia mblei./.

H Nêč pô mblang