VOV4.Êđê- Ti Hà Nội mrâo mkŏ mjing Klei bi kƀĭn plah wah Anôk bruă knŭk kna lehanăn Anôk kiă kriê Dhar bruă mặt trận čar kwar Việt Nam. Blŭ hrăm ti anôk bi kƀĭn, Khua knŭk kna Phạm Minh Chính mñă klă, mặt trận čar kwar Việt Nam brei bi hgŭm kjăp hĭn hŏng Knŭk kna hlăm bruă ksiêm dlăng, bi leh klei bhiăn, hdră mtrŭn, hdră bhiăn, mjing djăp klei găl čiăng mnuih ƀuôn sang mđĭ lar klei ngă phŭn mil pô, nao hgŭm tŭ dưn hlăm bruă kriê dlăng knŭk kna, kriê dlăng yang ƀuôn.

Knŭk kna mtă kơ anôk bruă mặt trận čar kwar Việt Nam lehanăn dŭm êpul bruă kđi čar – yang ƀuôn, Anôk bruă Đru čung ba yang ƀuôn gưl dlông hgŭm mbĭt hŏng knŭk kna, sa ai hluê ngă dŭm bruă klam phŭn mâo Klei bi kƀĭn tal XIII mơ̆ng Đảng kčah mtrŭn msĕ si: Hdĭp djŏ guôp, ksiêm dlăng tŭ dưn klei ruă Covid 19, gang mkhư̆ klei ruă tưp tŭ jing lehanăn lŏ krŭ wĭt bruă duh mkra, ala ƀuôn, rơ̆ng kjăp klei êđăp ênang ala čar, klei êđăp ênang yang ƀuôn jing bruă klam mjêč, mrô sa hlăm wưng ară anei./.

Pô mblang: H’Nêč Êñuôl