VOV4.Êđê - Ti anôk bruă knŭk kna, Khua knŭk kna Phạm Minh Chính bi trông hluê êlan đĭng blŭ hŏng Khua knŭk kna ala mtao Angle lehanăn Dưr Ailen Boris Johnson.

 Ti anôk bi trông, dua Khua knŭk kna m’ak ti anăp knhuang đĭ kyar prŏng hlăm klei bi mjĕ ƀĭng hgŭm phŭn Việt Nam – Angle hlăm wưng giăm anei, tŭ ư lŏ mtrŭt mđĭ hdră bi hgŭm kñăm bi sĭt hdră êlan bi hgŭm hlăm bruă kđi čar – bruă hŏng tač êngao, bruă duh mkra – mnia mblei – duh bi liê, bi hgŭm mđĭ kyar, mjuăt bi hriăm, bruă kreh knhâo – mrâo mrang, bruă lĭng kahan – răng mgang klei êđăp ênang, bi mjĕ mjuk mnuih ƀuôn sang. Kơ hdră bi hgŭm lu tĭng, dua Khua knŭk kna bi êdah klei sa ai hlăm hdră bi hgŭm jăk siam plah wah dua ala čar ti Êpul hgŭm răng mgang klei êđăp ênang Êpul lu ala čar hlăm wưng thŭn Việt Nam păn ngă Khua amâo klă klơ̆ng 2020 – 2021 lehanăn ti Anôk bi kƀĭn trông Asi – Ơrôp (ASEAM)./.

H Nêč pô mblang