VOV4.Êđê- Aguah mbruê, khua knŭk kna Phạm Minh Chính mâo leh klei bi tuôm hŏng phung bi ala ti ƀuôn prŏng Cần Thơ hŏng êlan online, mprăp kơ klei kƀĭn tal 2, bruă kƀĭn ala gưl 15. Bi ala kơ knŭk kna, lŏ sa blư̆ khua knŭk kna yap yuôm bhăn klei nao hgŭm hur har mơ̆ng phung bi ala ti ƀuôn prŏng Cần Thơ hlăm bruă gang mkhư̆ klei ruă tưp Covid-19 leh anăn rơ̆ng kjăp, krŭ wĭt, mđĭ kyar bruă duh mkra ala ƀuôn.

Jing sa čô bi ala mơ̆ng bruă kƀĭn ala ti ƀuôn prŏng Cần Thơ, khua knŭk kna hưn mdah dŭm mta phŭn, boh klei mâo klei mđing mơ̆ng phung bi ala msĕ si: bruă gang mkhư̆ klei ruă tưp Covid-19, bruă mđĭ kyar bruă duh mkra ala ƀuôn 9 mlan thŭn 2021 hlăm ala čar leh anăn wăt kơ ƀuôn prŏng Cần Thơ. Khua knŭk kna hmăng hmưi, hlăm klei bi mguôp, sa ai, čŏng ngă mă pô, Cần Thơ čiăng lŏ ngă kjăp tang hĭn, hmar kơrŭ wĭt, mđĭ kyar hmar leh anăn kjăp bruă duh mkra ala ƀuôn.

Pô mblang: Y-Ƀel Êban