VOV4.Êđê- Blŭ hrăm hlăm mmông bi tuôm hŏng phung bi ala êdah kdlưn hruê phung duh mkra Việt Nam (13/10) mkŏ mjing aguah hruê 12/ 10, Khua knŭk kna mơĭt kơ êpul êya duh mkra Việt Nam ƀrư̆ hruê ƀrư̆ đĭ kyar, lŏ dơ̆ng đru mguôp lu hĭn hlăm bruă mkŏ mjing lăn čar Việt Nam kjăp ktang, mdrŏng sah leh anăn čang hmăng phung duh mkra lŏ dơ̆ng hrăm mbĭt hŏng djuê ana, gĭr ktưn hgao klei leh dlan, tŭ dưi hŏng klei ruă tưp leh anăn tŭ dưn hlăm bruă krŭ wĭt, mđĭ kyar bruă duh mkra ala ƀuôn, lŏ dơ̆ng čih klei kdrưh kơăm mơ̆ng phung duh mkra Việt Nam.

Khua knŭk kna Phạm Minh Chính sa blư̆ dơ̆ng bi mklă bruă klam mơ̆ng phung duh mkra, anôk bruă duh mkra hlăm hdră mđĭ kyar lăn čar. Đảng, Knŭk kna mđing dlăng leh anăn bi mni kơ bruă klam phung duh mkra leh anăn êpul êya duh mkra Việt Nam. Khua knŭk kna čang hmăng hlăm wưng kơ anăp, dŭm anôk bruă duh mkra lŏ dơ̆ng hrăm mbĭt hŏng Knŭk kna hgao klei dleh dlan anei čiăng mkŏ mjing lăn čar Việt Nam đĭ kyar kjăp ktang, mdrŏng sah.

Pô mblang: H’Zawut Ƀuôn Yă