VOV4.Êđê- Tlam hruê 18/10, Khua knŭk kna Phạm Minh Chính bi tuôm hŏng pô bi ala êdah kdlưn êpul phung mdrao mgŭn ba anăp hlăm hdră gang mkhư̆ Covid 19. Klei bi tuôm anei dưi mkŏ mjing hluê hdră klă anăp lehanăn online. Nao ti knăm anei mâo êbeh 19.000 čô nai aê mdrao êdah kdlưn hlăm hdră gang mkhư̆ klei ruă Covid 19 mơ̆ng Anôk bruă mdrao mgŭn, lĭng kahan, kahan ksiêm hlăm kluôm ala čar. Ti anôk bi tuôm, phung nai aê mdrao, knuă druh hưn mdah leh klei mâo hlăm dŭm hruê mlan hƀuê ênuk mrâo êgao. Lu klei yăl dliê amâo dưi bi êdah jih ôh klei kpĭ mơ̆ng mnuih nao hgŭm hlăm hdră mdrơ̆ng hŏng “Roh Covid 19”. Blŭ hrăm ti knăm anei, Khua knŭk kna Phạm Minh Chính mñă klă Đảng, Knŭk kna lehanăn mnuih ƀuôn sang hdơr knga lehanăn bi mni kơ êpul ba anăp nao hlăm hdră gang mkhư̆ klei ruă tưp, čang hmăng kơ phung bruă mdrao mgŭn lŏ dơ̆ng ba anăp, mđĭ lar knhuah gru jăk siam lehanăn ba wĭt lu boh tŭ dưn hĭn, dŭm klei thâo yuôm bhăn hlăm wưng êgao, lŏ dơ̆ng myơr kơ hdră gang mkhư̆ klei ruă Covid 19 ăt msĕ mơh hdră kriê dlăng, răng mgang klei suaih pral mnuih ƀuôn sang./.

Pô mblang: H’Nêč Êñuôl