VOV4.Êđê - Tlam mbrue (10/9), ti anôk bruă knŭk kna, Khua knŭk kna Phạm Minh Chính drông čhưn leh hŏng khua bi ala knŭk kna Hà Lan Elssbeth Akkerman. Ti anôk čhưn anăn, Khua bi ala knŭk kna Hà Lan lač, knŭk kna Hà Lan dlăng yuôm klei bi mguôp kluôm dhuôn, lehanăn jing ƀĭng hgŭm halwm bruă mdrơ̆ng hŏng klei bi mlih yan adiê, lehanăn bruă kiă kriê êa jua, bruă lŏ hma hŏng klei kjăp ti Việt Nam, yap anei jing tur knơ̆ng kjăp, đru mđĭ klei bi mguôp dua ala čar, lehanăn phung duh mkra mâo nanao klei mtrŭn agha êlam, lehanăn mao ba wĭt klei tŭ dưn jăk.

Khua knŭk kna Phạm Minh Chính čang hmăng kơ kơ knŭk kna Hà Lan sa ai nanao hŏng Việt Nam pral dưi mâo ênŭm vaccine hŏng lu hdră êlan mdê mdê, msĕ si blei lehanăn brei čan, lehanăn đru êa drao mdrao klei ruă covid 19 lehanăn jih jang kdrăp mdrao mgŭn kơ Việt Nam. Kơ boh klei ti êa ksĭ Ngŏ, Khua bi ala Elsbeth Akkerman brei thâo Hà Lan sa ai hŏng dŭm hdră êlan mơ̆ng ASEAN, bi êdah klă kơ klei mĭng êđăp ênang hơĭt kjăp, lehanăn klei ênhgiê hlăm êlan êa, lehanăn êlan êdeh phiơr, mghaih msir djăp mta klei amâo mâo thâo bi djŏ hŏng hdră êlan êđăp ênang, tui si klei bhiăn tar rŏng lăn, hlăm anăn mâo klei bhiăn êa ksĭ 1982./.

Y Khem pô mblang