VOV4.Êđê- Mmăt hruê 12/9, ti anôk bruă knŭk kna, Khua knŭk kna Phạm Minh Chính gĭt gai leh Knăm mtrŭt mjhar hdră bruă “Sóng lehanăn maĭtĭng kơ adei” hluê hdră online hŏng 63 čar, ƀuôn prŏng.

Hdră anei kñăm mkŏ mkra hdră đru kơ dŭm sang hră, nai mtô, phung hđeh, sinh viên dưi mjĕ hŏng kdrăp mrô ênuk mrâo, hdră mŭt hriăm hluê êlan Internet hŏng klei êđăp ênang, ênưih ba yua kñăm rŏng kjăp hdră mtô bi hriăm hluê êlan online, mtrŭt mjhar, mkăp, đru maĭtĭng, dŭm kdrăp yua mkăn, mjing tur knơ̆ng kdrăp mrâo ênuk mrô, bruă hâo hưn êlan kbưi kơ phung hđeh, sinh viên ti krĭng taih kbưi, dŭm gŏ êsei ƀun, giăm ƀun ti dŭm alŭ wăl dôk hluê ngă Asăp mtrŭn mrô 16/CT-TTg lehanăn pŏ hdră bi hriăm hluê êlan online. Khua knŭk kna Phạm Minh Chính mñă klă, sa hlăm dŭm bruă klam phŭn mơ̆ng Knŭk kna ară anei jing hnưm lŏ wĭt hŏng klei hdĭp msĕ êlâo, rơ̆ng kjăp klei êđăp ênang./.

Pô mblang: H’Nêč Êñuôl