VOV4.Êđê- Khua knŭk kna Phạm Minh Chính mơĭt leh hră hơêč hmưi truh kơ Kishida Fumio djŏ ruah ngă khua knŭk kna tal 100 ala car Nhật Bản. Khua phŭn bruă hŏng tač êngao bùi Thanh Sơn ăt mơĭt leh leh hră hơêč hmưi truh kơ Motegi Toshimitsu djŏ ruah ngă Khua phŭn bruă hŏng tac êngao Nhật Bản. Wĭt lač klei phung ngă bruă klei mrâo êmuh kơ bruă Nhật Bản mâo khua knŭk kna mrâo, pô blŭ bi ala mơ̆ng Phŭn bruă hŏng tač êngao lê Thị Thu Hằng lač: “Việt Nam hơêč hmưi kơ Kishida Fumio djŏ ruah khua knŭk kna tal 100 ala čar Nhật Bản. Hmei đăo knang ti gŭ klei kiă kriê mơ̆ng khua knŭk kna Kishida Fumio, lăn čar Nhật Bản srăng lŏ đĭ kyar pral, phung ƀuôn sang mâo klei jăk yâo hĭn. Việt Nam dlăng yuôm klei hgŭm mbĭt hŏng Nhật Bản lehanăn čang hmăng klei bi hgŭm hŏng khua knŭk kna, lehanăn knŭk kna mrâo mơ̆ng Nhật Bản mâo leh hdră êlan mă bruă mbĭt mtrŭn agha êlam hĭn, dua nah lŏ dơ̆ng đĭ kyar amâo mâo mdei čhuang hlăm knhuang mrâo, kyua klei tŭ dưn kơ phung ƀuôn sang dua ala čar, kyua kơ klei êđăp ênang, lehanăn hơĭt kjăp, hgŭm bruă lehanăn mđĭ kyar alŭ wăl lehanăn tar rŏng lăn./.

Pô mblang: Y-Khem Niê