VOV4.Êđê - Khua knŭk kna Phạm Minh Chính mrâo mâo leh klei bi kƀĭn online hŏng aduôn Aurélia Nguyen, Khua kiă kriê bruă COVAX. Ti anôk bi kƀĭn, Khua knŭk kna hơ̆k mơak lehanăn bi myuôm bruă mơ̆ng COVAX hlăm bruă tui duah êa drao bi mbha vaccine gang mkhư̆ klei ruă tưp Covid 19 hlăm tar rŏng lăn, đru mguôp yuôm bhăn kơ bruă čiăng dưi ksiêm dlăng klei ruă tưp. Bi blŭ hrăm hŏng aduôn Aurélia, khua knŭk kna lač Việt Nam mdưm bruă dlăng kriê klei suaih pral lehanăn klei êđăp ênang kơ phung ƀuôn sang jing êlâo hĭn; Việt Nam hlăk dôk gĭr tlŏ vaccine bi ênŭm kơ jih jang phung ƀuôn sang hŏng klei pral hĭn tơdah dưi. Khua knŭk kna akâo kơ COVAX mkăp tal êlâo vaccine kơ Việt Nam knư̆ pral jing knư̆ jăk, knư̆ lu jing jăk hĭn, boh nik hlăm dŭm mlan 9;10;11 kñăm bi leh bruă bi tŭ mkăp vaccine kơ Việt Nam hlăm thŭn 2021. Khua knŭk kna ăt akâo kơ COVAX mkăp vaccine Mordena čiăng kơ Việt Nam tlŏ aruăt tal 2 kơ phung ƀuôn sang./.

Y Khem pô mblang