VOV4.Êđê -  Khua knŭk kna Phạm Minh Chính ba anăp êpul bi ala Việt Nam nao hgŭm hlăm klei kƀĭn trông gưl dlông ASEAN - Australia gưl tal 1 hŏng êlan online. Phung khua gĭt gai dŭm ala čar ASEAN, khua knŭk kna Australia leh anăn khua kiă kriê ASEAN nao hgŭm mbĭt hlăm klei kƀĭn trông anei. Blŭ hlăm klei kbĭn anăn, khua knŭk kna Phạm Minh Chính mnă ktang bruă 2 tĭng čiăng mâo klei gĭr hĭn čiăng lŏ krŭ wĭt êlan mnia mblei - duh bi liê mâo klei hmăi kyua klei ruă tưp Covid-19, mtrŭt mjhar leh anăn ngă klei găl čiăng kơ dŭm knơ̆ng bruă dưi bi mguôp hlăm anôk mnia mblei hdơ̆ng pô, mtrŭt mđĭ klei bi mguôp bruă mkŏ mkra mrô, bruă mkŏ mkra hnơ̆ng tŭ jăk, mtô mjuăt mnuih mă bruă thâo mbruă kơ dŭm ala čar hlăm ASEAN leh anăn klei blŭ hrăm plah wah mnuih ƀuôn sang 2 tĭng. Khua knŭk kna hmăng hmưi Australia lŏ sa ai hŏng dŭm klei gĭr mơ̆ng ASEAN hlăm bruă bi hrŏ kwang đĭ kyar, mđĭ klei bi mguôp dŭm alŭ wăl hlăm ASEAN, hlăm anăn mâo alŭ wăl krông MêKông hlăm klei bi mguôp ƀĭng hgŭm Mêkông - Australia, ñŭ kma hŏng bruă mkŏ mkra êpul êya ASEAN.

Y Ƀel pô mblang