VOV4.Êđê -  Lŏ čuê dŭm klei kƀĭn trông dưl dlông dŭm ala čar Ngŏ dhŭng Asi (ASEAN) tal 38 leh anăn 39. Tlam mbruê 26/10, Khua knŭk kna Phạm Minh Chính nao hgŭm hlăm klei kƀĭn trông gưl dlông ASEAN - Hàn Quốc. Blŭ hlăm klei kƀĭn anăn, Khua knŭk kna Phạm Minh Chính mñă klă, êbeh 30 thŭn êgao, klei mjĕ giăm ASEAN - Hàn Quốc mâo klei đĭ kyar ktang leh anăn lu boh tŭ dưn yuôm bhăn, klă mngač, đru mguôp prŏng lăm klei êđăp ênang, đĭ kyar hlăm alŭ wăl. Việt Nam pah mni leh anăn sa ai hŏng Hàn Quốc mkŏ mjing hdră mđing kơ krĭng dhŭng mrâo kñăm mtrŭt mđĭ klei bi mguôp hŏng alŭ wăl kyua mnuih ƀuôn sang, klei êđăp ênang leh anăn đĭ kyar, djŏ guôp hŏng  mta phŭn klei bi mguôp mơ̆ng ASEAN, Khua knŭk kna Phạm Minh Chính sa ai leh anăn lač klei kƀĭn trông anei biklă kơ bruă mđĭ klei bi mguôp ASEAN - Hàn Quốc.

Y Ƀel pô mblang