VOV4.Êđê - Khua knŭk kna Phạm Minh Chính nao hgŭm leh hlăm klei kƀĭn trông gưl dlông ngŏ Asi (EAS) tal 16 mbĭt hŏng khua gĭt gai dŭm ala čar ASEAN leh anăn dŭm ƀĭng hgŭm jing Trung Quốc, Nhật Bản, Hàn Quốc, Australia, New Zealand, India, Nga, Mi leh anăn khua gĭt gai ASEAN.

Blŭ hlăm klei kƀĭn anăn, khua knŭk kna Phạm Minh Chính kñăm ktang, EAS čiăng lŏ bi lar hĭn bruă klam leh anăn klei yuôm hlăm hdră mtrŭt mđĭ klei ngă bruă klă mngač, blŭ hrăm ênuah ênô, mkŏ mjing klei đăp knang, đru bi kna dŭm klei ka bi djŏ, bi đru ngă bruă klam răng mgang wăl hdĭp mda, hơĭt kjăp, bi mguôp hrăm mbĭt đĭ kyar hlăm alŭ wăl leh anăn tar rŏng lăn. Khua knŭk kna mñă kơ dŭm ala čar čiăng hrăm mbĭt ksiêm dlăng dŭm klei mlih hŏng klei djŏ, mâo boh tŭ dưn, bi myuôm klei bi mguôp lu tĭng, bi djŏ hlăm hdră êlan, bi mguôp ngă bruă leh mtrŭt mđĭ klei đĭ kyar, kơrŭ wĭt kjăp, boh nik jing bruă duh mkra - ala ƀuôn leh găn klei ruă tưp.

Y Ƀel pô mblang