VOV4.Êđê- Tŭ ư klei iêo jak mơ̆ng khua gĭt gai leh anăn knŭk kna Nga, khua knŭk kna Phạm Minh Chính nao hgŭm leh anăn blŭ hlăm klei bi kƀĭn “Hruê kăm pui kmlă Nga” gưl tal 4 hŏng akŏ Pui kmlă tar rŏng lăn: bi mlih čiăng mđĭ kyar”, dưi mkŏ mjing ti ƀuôn prŏng phŭn Moscow mơ̆ng hruê 13 -15/10/2010 hŏng êlan mă rup. Blŭ hlăm klei kƀĭn anăn, khua knŭk kna Phạm Minh Chính bi êdah klei hơ̆k mơak leh anăn lač jăk kơ khua gĭt gai leh anăn knŭk kna Nga kyua iêo jak nao hgŭm hlăm klei kƀĭn yuôm bhăn anei.

Khua knŭk kna mñă klă, Việt Nam yap yuôm bhăn bruă klam mơ̆ng Nga hŏng bruă pui kmlă tar rŏng lăn, đru rơ̆ng klei hơĭt anôk mnia mblei pui kmlă tar rŏng lăn. Khua knŭk kna mâo klei đăo knang kơ dŭm klei kčĕ mơ̆ng Nga hlăm bruă pui kmlă, hlăm anăn mâo hruê kăm pui kmlă Nga tal anei, mâo leh dŭm klei đru mguôp mđĭ kyar klei blŭ hrăm leh anăn bi mguôp plah wah dŭm ala čar, bi mguôp bruă mbĭt, bruă hjăn hlăm klei mđĭ kyar pui kmlă mâo boh tŭ dưn, kjăp leh anăn kyua klei jăk mbĭt mơ̆ng dŭm ala čar leh anăn tar rŏng lăn.

Pô mblang: Y-Ƀel Êban