VOV4.Êđê - Klei knŭk kna bi kƀĭn kơ tuôr mlan 10 thŭn 2021 mkŏ mjing leh êjai ala čar drei hlăk hlăm wưng dôk mdrơ̆ng hŏng klei ruă tưp covid 19 bluh đĭ gưl tal 4, truh kơ ară anei klei ruă tưp hlăk hlê dưi ksiêm dlăng. Bruă duh mkra ala ƀuôn mlan 10 mâo lu klei bi mlih jăk, bruă duh mkra hlăk dơ̆ng kơrŭ wĭt lehanăn anăp nao hlăm klei bi mlih jăk, kyua mâo hdră êlan bi mbha wăt bruă mdrao mgŭn bi djŏ, hŏng klei mnêč, ksiêm dlăng bi tŭ jing klei ruă tưp. Blŭ hrăm ti anôk bi kƀĭn, khua knŭk kna mtă lŏ dơ̆ng nga bi tŭ jing hŏng klei êđăp ênang gang mkhư̆ bi dưi klei ruă tưp, kiă kriê bi kjăp klei amâo mâo jăk, lehanăn bi kơrŭ pral bruă duh mkra, rơ̆ng kơ klei hdĭp mda ala ƀuôn. Ti anăp klei ruă tưp snei, khua knŭk kna mtă lŏ dơ̆ng bi pral hĭn bruă tlŏ vaccine, hŏng klei êđăp ênang, tŭ jing, kreh knhâo, amâo mâo bư ban ngĭ ngư̆ boh nik hlăm dŭm alŭ wăl mâo lu klei bi mtưp msĕ si dŭm čar nah Yŭ kwar Dhŭng./.

Y Khem pô mblang