VOV4.Êđê - Ƀri bi hdơr hrue kơ klei thâo ngă bruă Việt Nam (4/10), Khua lăn čar Nguyễn Xuân Phúc mrâo mâo leh hră iêu mthưr bi hrăm mbĭt mđĭ klei thâo ngă bruă “kyua sa Việt nam mâo klei dưi hŏng klei ruă tưp, lehanăn mđĭ kyar kjăp”. Hlăm hră mơĭt mâo kdrêč čih: Đảng lehanăn knŭk kna mâo nanao klei mđing uêñ prŏng, mâo leh lu hdră êlan pioh mđĭ kyar klei thâo ngă bruă, boh nik hŏng mnuih mâo klei knhăk, mâo leh lu klei đru mguôp hlăm bruă mđĭ kyar klei duh mkra ala ƀuôn. Ƀri wưng anei Hrue klei thâo hlăm bruă knuă mnuih Việt Nam (4/10) thŭn anei, kâo iêu mthưr jih jang mnuih ngă bruă hlăm kluôm ala amâo mâo mdei mjuăt hriăm, mđĭ klei thâo pô ngă bruă hŏng klei mĭng mrâo ngă bruă hŏng klei tŭ dưn. Wưng anei drei bi ktưn hĭn čiăng mđrăm mbĭt jih jang dưi găn klei ruă tưp. Kâo mâo klei knang sĭt kơ klei duh mkra Việt Nam srăng dưi dưn yua jih klei găl ai ktang, gĭr tui hriăm lehanăn gĭr tuh tia mđĭ kyar bruă duh mkra pral bi dưi hŏng klei ruă tưp, lehanăn mtrŭt mđĭ klei hdĭp mda hŏng klei kjăp hlăm wưng kơ anăp./.

Y Khem pô mblang