VOV4.Êđê - Tlam mbruê, khua lăn čar Nguyễn Xuân Phúc mâo leh klei mă bruă khua gĭt gai sang phat kđi gưl dlông, adub bruă khua lăn čar, êpul khua êmua gưl dlông, anôk bruă phat kđi gưl dlông, phŭn bruă kahan ksiêm lehanăn dhar bruă klei bhiăn mơ̆ng bruă kƀĭn ala kơ bruă mkŏ mjing hdră êlan mơ̆ng gưl dlông kơ bruă mgaih msir hră mơar phat mkra hŏng hnơ̆ng mdjiê asei djŏ hŏng klei bhiăn ala čar.

Khua lăn čar Nguyễn Xuân Phúc mñă klă, hră mơar phat mkra hŏng hnơ̆ng mdjiê asei jing mâo klei uêñ mĭn mơ̆ng mnuih ƀuôn sang lehanăn bruă kƀĭn ala. Kyuanăn, sang phat kđi gưl dlông, anôk bruă phat kđi gưl dlông, phŭn bruă kahan ksiêm lehanăn adŭ bruă khua lăn čar lŏ hdơ̆ng bi mguôp ngă hdră êlan mơ̆ng gưl dlông anei. Leh klei kbĭn anei, čiăng mâo klei bi mguôp hĭn hlăm bruă ksiêm dlăng dŭm hră mơar, amâo dưi mâo klei soh ngă truh klei dleh dlan kơ bruă phat kđi. Khua lăn čar lŏ mtă, êjai ngă bruă klam, dŭm anôk bruă čiăng mâo klei bi mklin, čih yap lehanăn bi klă dŭm boh phŭn čiăng dưi mâo hdră gang mkhư̆ dŭm mta phung ngă soh, mâo klei đru kcĕ, bi mlih hră bhiăn hlăm klei bhiăn ala čar djŏ tuôm.

Y Ƀel pô mblang