VOV4.Êđê- Lŏ dơ̆ng hlăm gưl hiu čhưn ti ala čar Cuba, hrue mbrue (19/9), ti ƀuôn prŏng phŭn Habana, ala čar Cuba, Khua lăn čar Nguyễn Xuân Phúc, lehanăn mâo leh klei bi tuôm hŏng khua knŭk kna Cuba Manuel Marrero Cruz, lehanăn lu phung khua kiă kriê dŭm phŭn dhar bruă Cuba. Ti anôk bi tuôm, Khua lăn čar Nguyễn Xuân Phúc đăo knang ti gŭ klei kiă kriê mơ̆ng khua knŭk kna Manuel Marrero Cruz, knŭk kna Cuba srăng mâo lu klei tŭ dưn hlăm bruă kiă kriê lăn čar, lehanăn klei duh mkra.

Dua nah găn leh lu klei lông dlăng, mâo nanao klei bi blŭ hrăm gưl dlông, hŏng dŭm klei bhiăn bi hgŭm mâo leh, boh nik mđĭ hĭn klei bi mguôp dua knŭk kna, kñăm atăt dua ala čar mâo klei đĭ kyar klă mngač hĭn, mđĭ klei bi hgŭm duh mkra mnia mblei, lehanăn mâo klei duh bi liê bi năng hŏng klei dưi lehanăn tui bruă kđi čar jăk siam dua ala čar./.

Pô mblang: Y-Khem Niê