VOV4.Êđê - Ti anôk bruă kƀĭn ala Cuba, Khua lăn čar Nguyễn Xuân Phúc bi tuôm leh hŏng Khua bruă kƀĭn ala Cuba Esteban Lazo Hernández. Khua lăn čar Nguyễn Xuân Phúc bi mklă, Bruă kƀĭn ala hŏng dŭm phŭn, dhar bruă ti Việt Nam srăng bi hgŭm hŏng Bruă kƀĭn ala Cuba, bi trông klei thâo kơ dŭm bruă dua nah hdơ̆ng bi mđing, bi hgŭm tliêr kjăp hĭn hlăm klei bi trông Khua gĭt gai Bruă kƀĭn ala, bi kah mbha klei thâo čih mkra hdră bhiăn, ngă bruă klam mơ̆ng bruă kƀĭn ala hlăm bruă kđi čar, bruă hŏng tač êngao leh anăn bi hgŭm hlăm dŭm klei bi kƀĭn dlông rŏng lăn lu tĭng.

Khua lăn čar Nguyễn Xuân Phúc đaŏ knang dua Bruă kƀĭn ala, Dua Dhar bruă leh anăn dua Êpul ngă bruă kƀĭn ala dua ala čar srăng lŏ dơ̆ng bi hgŭm tliêr kjăp, nao ai, đru kơ dŭm bruă bi hgŭm plah wah dua ala čar mơ̆ng bruă bi mklă dŭm hră mơar bi hgŭm.

H Zawut pô mblang