VOV4.Êđê- Ƀri bi hdơr 31 thŭn hruê mnuih khua thŭn tar rŏng lăn (1/10), khua lăn čar Nguyễn Xuân Phúc mrâo mâo leh mmông bi tuôm Êpul hgŭm mnuih khua thŭn gưl dlông Việt Nam. Bi ala kơ phung khua kiă kriê Đảng, knŭk kna, Khua lăn čar Nguyễn Xuân Phúc mơĭt truh hŏng phung knuă druh, ƀĭng hgŭm mnuih khua thŭn Việt Nam, jih jang mnuih khua thŭn ti Việt Nam lehanăn ti ala tac êngao ai tiê klei mpŭ, klei čuă êmuh, lehanăn klei hơêč hmưi truh hŏng mnuih khua thŭn.

Hlăm wưng kơ anăp, Khua lăn čar mtă kơ Êpul hgŭm mnuih khua thŭn năng mâo klei bi mguôp hŏng dŭm phŭn dhar bruă, alŭ wăl kăp kčĕ lehanăn hlue ngă dŭm hdră êlan mơ̆ng Đảng, knŭk kna kơ bruă răng mgang, dlăng kriê mnuih khua thŭn bi jăk hĭn. Mñă mnuih khua thŭn jing kmeh gơ̆ng kơ găp djuê, Khua lăn čar mñă lŏ dơ̆ng bi ksiêm duah, tui hriăm dŭm knhuah jăk siam mơ̆ng dhar kreh djuê ana pô pioh mjuăt bi hriăm kơ hđeh gưl mrâo./.