VOV4.Êđê- Lŏ dơ̆ng hlăm bruă tui duah nklei duh mkr amnia mblei ƀri wưng nao ti anôk bi kƀĭn gưl dlông bruă kƀĭn prŏng Êpul Gơ̆ng gưl 76 mơ̆ng Êpul hgŭm lu ala čar, hrue 22/9, tui si mmông alŭ wăl, Khua lăn čar Nguyễn Xuân Phúc mâo leh klei bi tuôm Êpul Gơ̆ng bruă duh mkra mnia mblei Mi – ASEAN (USABC), Êpul hgŭm bruă duh mkra mnia mblei Mi, Adŭ bruă mnia mblei Mi lehanăn phung khua kiă kriê phung duh mkra, Êpul grŭp lu ala čar... Khua lăn čar Nguyễn Xuân Phúc bi mni bruă mơ̆ng dŭm êpul hgŭm, phung duh mkra Mi hlăm bruă bi hgŭm duh mkra mnia mblei hŏng Việt Nam, hlăm lu thŭn êgao. Hlăm wưng kơ anăp, Khua lăn čar čang hmăng kơ dŭm phung duh mkra Mi lo duh bi liê lu hĭn, boh nik hlăm bruă dưn yua kdrăp mrâo mrang, bruă êlan klông, pưk sang lehanăn bruă ngăn prăk... Atăt Viêtj Nam nao mđrăm mbĭt hŏng jih jang bruă hlăm alŭ wăl lehanăn tar rŏng lăn. Mbĭt hŏng anăn akâo vaccine gang mkhư̆ Covid 19, lehanăn kdrăp mdrao mgŭn lehanăn kdrăp mkra mjing vaccine kơ Việt Nam./.

Pô mblang: Y-Khem Niê