VOV4.Êđê -  Tlam mbruê, ti sang bruă khua lăn čar, khua lăn čar Nguyễn Xuân Phúc drông leh aduôn Tredene Cherie Dobson, pô bi ala New Zealand ti Việt Nam. Khua lăn čar Nguyễn Xuân Phúc yap yuôm bhăn kyua pô bi ala mâo lu bruă ngă mtrŭt mđĭ klei bi mguôp 2 ala čar. Hlăm wưng klei ruă tưp Covid-19, Khua lăn čar mñă kơ 2 ala čar čiăng lŏ mâo klei bi mguôp kah mbha plah wah dŭm êpul gưl dlông leh anăn dŭm gưl, mâo hdră bi trông mbruă, wăt kơ êlan online, bi klă hdră ngă bruă klei bi mguôp hdră êlan hlăm thŭn anei.

Khua lăn čar hmăng hmưi 2 ala čar srăng mâo klei bi ktưn dưi mâo hnơ̆ng bruă mnia mblei 2 êklai dolar. 2 ala čar čiăng bi lar klei bi mguôp kjăp leh anăn sa ai hdơ̆ng pô hlăm dŭm klei kƀĭn trông, klei kƀĭn lu ala čar ăt msĕ hŏng dŭm boh klei hlăm alŭ wăl leh anăn tar rŏng lăn.

Y Ƀel pô mblang