VOV4.Êđê - Tlam mbruê, khua lăn čar Nguyễn Xuân Phúc jao leh klei bi klă tiŏ nao ngă bruă knơ̆ng khua phat kđi sang phat kđi gưl dlông hŏng 4 čô khua phat kđi gưl dlông, leh mâo klei bi klă mơ̆ng bruă kƀĭn ala. 4 čô khua phat kđi gưl dlông dưi tiŏ nao ngă bruă knơ̆ng khua phat kđi gưl dlông jing k’iăng khua phat kđi sang phat kđi gưl dlông ti ƀuôn prŏng Hà Nội Đào Thị Minh Thủy, k’iăng khua phat kđi sang phat kđi gưl dlông ti ƀuôn prŏng Đà Nẵng Nguyễn Văn Dũng, khua phat kđi sang phat kđi čar Bến Tre Nguyễn Biên Thùy lehanăn khua phat kđi sang phat kđi gưl dlông Ngô Tiến Hùng.

Jao bruă klam kơ phung knơ̆ng khua phat kđi gưl dlông, khua lăn čar Nguyễn Xuân Phúc mtă, phung knơ̆ng khua phat kđi mâo nanao klei thâo săng kơ bruă klam pô ti anăp klei bhiăn ala čar, bi êdah jing pô mâo klei thâo, jing sa čô mă bruă anôk bruă phat kdi gưl dlông, mbĭt anăn ngă jăk bruă mkŏ mjing klei bhiăn ala čar.

Y- Ƀel pô mblang