VOV4.Êđê - Tlam mbruê, khua lăn čar Nguyễn Xuân Phúc mâo leh klei mă bruă hŏng êpul bruă Đảng sang phat kđi gưl dlông. Blŭ hlăm klei mă bruă anăn, khua lăn čar Nguyễn Xuân Phúc yap yuôm bhăn dhar bruă phat kđi dưi ngă jăk leh dŭm bruă ngă, bruă klam, ngă djŏ klei dưi hlăm klei bhiăn, răng mgang klei djŏ, klei dưi êngiê anak mnuih, klei jăk djŏ klei bhiăn mơ̆ng anôk bruă, êpul êya, grăp čô. Boh nik mâo lu hdră êlan kdlưn čiăng mđĭ hnơ̆ng klei phat kđi, klei bi klă mơ̆ng sang phat kđi.

Bi kơ klei bi hmô adŭ bruă phat kđi, mkŏ mjing klei phat kđi hŏng ai tiê mlih klei ngă bruă, djŏ hŏng boh sĭt tar rŏng lăn. Hluê anăn dưi đru mguôp bi kjăp klei đăo knang mơ̆ng mnuih ƀuôn sang hŏng klei bhiăn mtăp mđơr, ênuah ênô, rơ̆ng djŏ hŏng klei bhiăn ala čar. Khua lăn čar mtă kơ dhar bruă phat kđi čiăng čŏng ngă bruă, bi hmar klei ngă bruă, hmao mâo dŭm klei ƀuah mkra djŏ, kpă ênô hlăm dŭm klei ngă soh ƀơ̆ng ngăn, bruă duh mkra kjham, dleh ksiêm dlăng leh anăn dŭm klei ngă soh mâo klei mđing hlăm yang ƀuôn tui si hdră “Amâo mâo anôk kăm ghă, amâo mâo lui sa mta”, amâo mâo tŭ klei hmăi mơ̆ng sa čô êrô, êpul êya mkăn.

Y Ƀel pô mblang