VOV4.Êđê- Lŏ dơ̆ng hlăm klei mă bruă ti ƀuôn prŏng Hồ Chí Minh, ƀri hrue phung duh mkra Việt Nam (13/10), mbrue (12/10), Khua lăn čar Nguyễn Xuân Phúc bi tuôm leh hŏng êbeh 40 čô bi ala phung duh mkra bi ala brei kơ êbeh 10 êbâo čô phung duh mkra hlăm Êpul hgŭm phung duh mkra mda asei Việt Nam. Khua lăn čar bi êdah klei hnĭng kyua klei dleh dlan mơ̆ng klei ruă tưp ngă hmăi amâo mâo jăk hŏng bruă duh mkra, lehanăn hlăm anăn mâo mơh klei mpŭ lehanăn bi mni kơ phung duh mkra khădah dôk găn klei dleh dlan, ƀiădah ăt tŭ ư hŏng klei Đảng, knŭk kna iêo mthưr bi đru kơ klei hdĭp mda ala ƀuôn.

Dưn yua nanao knhuah gru dhar kreh jăk siam mơ̆ng phung duh mkra Việt Nam, Khua lăn čar Nguyễn Xuân Phúc mtă kơ phung duh mkra mda asei mâo 5 mta klei brei păn kjăp anăn jing ksul mbŭ ai tiê thâo khăp kơ lăn čar, bi mguôp, lehanăn thâo bi đru, mjuăt bi hriăm ai tiê kjăp, hŏng klei mbruă čiăng dưi mâo klei ktang, mâo klei đăo knang kơ bruă pô ngă, kơ klei tŭ jing djuê ana lehanăn kơ lăn čar êdei anăp./.

Pô mblang: Y-Khem Niê